Photo

Mabuhay! Sa loob ng isang taon ang bawat diyosesis ay naglulunsad ng tinatawag na "vocation awareness month." Layunin nito ang ipamulat sa mga tao lalong lalo na sa mga kabataan ang panawagan ng Diyos na sumunod sa kanya sa anumang uri ng buhay na ninanais niya para sa atin. Halina at makipaglakbay sa akin sa iba't ibang bahagi ng bansa sa taunan nilang pagdiriwang ng Vocation Month. Sa kauna-unahang pagkakataon ako ay biniyayaan na makibahagi sa pagdiriwang na ito. Kasama ko ang humigit kumulang na 80 vocation promoters mula sa ibat't ibang panig ng bansa sa aming pag-iikot sa mga paaralan (colleges and high schools) at mga parokya. Nagsimula ang kampanyang ito sa tinatawag na vocation launching na idinaos sa Davao City Cathedral na pinangunahan ni Auxilliary Bishop George sa diyosesis na ito. Nag-umpisa kaming mag-ikot mula ika 9 ng Setiyembre at nagtapos hanggang ika 16 ng buwan ding ito. Ilan sa amin ay nakarating din ng Digos at Kidapawan sa North Cotabato. So, welcome po kayo sa Davao City, and Durian Capital ng Pilipinas. Wow! Sarap!